საქართველოს კულტურის სამინისტროს მხარდაჭერით, 2026 წლის 2 აგვისტოს, 18:00 საათზე, თელავის ვაჟა-ფშაველას სახელობის პროფესიული სახელმწიფო დრამატული თეატრის მცირე დარბაზში გაიმართება საქართველოში ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილი საიუბილეო ღონისძიება.

ღონისძიების ფარგლებში გაიმართება ქ. გორის სულხან ცინცაძის სახელობის სამუსიკო კოლეჯთან არსებული გოგონათა გუნდის სოლო კონცერტი.

 მისამართი: ქ. თელავი, ერეკლე II-ის მოედანი №7

 დასაწყისი: 18:00 საათი

 დასწრება თავისუფალია.

გელით, რათა ერთად გავიზიაროთ ქართული საგუნდო მუსიკის სილამაზე და გოგონათა გუნდის გამორჩეული საშემსრულებლო ხელოვნება.

სულხან ცინცაძის სახელობის სამუსიკო კოლეჯთან არსებული გორის გოგონათა გუნდი კიდევ ერთ მნიშვნელოვან საერთაშორისო წარმატებას ზეიმობს.

ცნობილი გახდა დიდი ბრიტანეთის მიერ ორგანიზებული საერთაშორისო კონკურსის „Golden Time Talent“-ის შედეგები, რომლის მიხედვითაც გორის გოგონათა გუნდმა პირველი ადგილი მოიპოვა. 

აღსანიშნავია, რომ კონკურსში მონაწილეობდნენ მსოფლიოს 70-ზე მეტი ქვეყნის წინასწარ შერჩეული მონაწილეები. ჩვენთვის დიდი პატივია, რომ ქართველი კომპოზიტორების ნაწარმოებების შესრულებით მსოფლიო ასპარეზზე კიდევ ერთი მნიშვნელოვანი წარმატებისა და საერთაშორისო აღიარების მოპოვება შევძელით.

ამ წარმატების უკან დგას გუნდის წევრების დიდი შრომა, მონდომება და პროფესიონალიზმი, ასევე გუნდის დირიჟორის, ნინო წიკლაურის, მაღალი პროფესიული ოსტატობა და დაუღალავი საქმიანობა, რომლის ხელმძღვანელობითაც გორის გოგონათა გუნდი არაერთ მნიშვნელოვან წარმატებას აღწევს.

გულითადად ვულოცავთ გორის გოგონათა გუნდის თითოეულ წევრს, გუნდის დირიჟორს ნინო წიკლაურს და ყველას, ვისაც წვლილი მიუძღვის ამ გამარჯვებაში. ვუსურვებთ მათ მომავალშიც მრავალ საერთაშორისო წარმატებას და შემოქმედებით წინსვლას.

 მადლობას ვუხდით ყველას, ვინც მხარს გვიჭერს და იზიარებს ჩვენს წარმატებას. თქვენი მხარდაჭერა ჩვენთვის განსაკუთრებულად მნიშვნელოვანია!

ღონისძიებამ განსაკუთრებულად თბილ და შემოქმედებით გარემოში ჩაიარა. პროფესიულმა სტუდენტებმა და სემინარიის მოსწავლეებმა მსმენელს მრავალფეროვანი მუსიკალური პროგრამა წარუდგინეს და სხვადასხვა ეპოქისა და ჟანრის ნაწარმოებები შეასრულეს, რითაც კიდევ ერთხელ წარმოაჩინეს საკუთარი პროფესიული ზრდა, შრომა და მუსიკალური შესაძლებლობები.

კონცერტის განსაკუთრებული ნაწილი იყო ჩვენი საამაყო გორის გოგონათა გუნდის გამოსვლა. გუნდის შესრულებით გაჟღერდა სრულიად საქართველოს კათოლიკოს-პატრიარქის, ილია II-ის საგალობელი „მოდი ჩემთან“, „ალილუია“, ასევე ჯემალ ბეგლარიშვილი-ის „იუმორესკო“, რომლებმაც მსმენელის განსაკუთრებული მოწონება და ხანგრძლივი აპლოდისმენტები დაიმსახურა.

კონცერტმა კიდევ ერთხელ წარმოაჩინა, რომ მუსიკა აერთიანებს თაობებს, ავითარებს ახალგაზრდების შემოქმედებით პოტენციალს და ქმნის განსაკუთრებულ ემოციურ ატმოსფეროს.

მადლობას ვუხდით ღონისძიების ყველა მონაწილეს, პედაგოგებსა და მშობლებს მხარდაჭერის, ნდობისა და თანადგომისთვის. ვუსურვებთ ჩვენს პროფესიულ სტუდენტებს, სემინარიის მოსწავლეებსა და გორის გოგონათა გუნდს მომავალშიც მრავალ წარმატებულ გამოსვლასა და შემოქმედებით გამარჯვებას. 🎼👏