სულხან ცინცაძის სახელობის სამუსიკო კოლეჯთან არსებული გორის გოგონათა გუნდი კიდევ ერთ მნიშვნელოვან საერთაშორისო წარმატებას ზეიმობს.

ცნობილი გახდა დიდი ბრიტანეთის მიერ ორგანიზებული საერთაშორისო კონკურსის „Golden Time Talent“-ის შედეგები, რომლის მიხედვითაც გორის გოგონათა გუნდმა პირველი ადგილი მოიპოვა. 

აღსანიშნავია, რომ კონკურსში მონაწილეობდნენ მსოფლიოს 70-ზე მეტი ქვეყნის წინასწარ შერჩეული მონაწილეები. ჩვენთვის დიდი პატივია, რომ ქართველი კომპოზიტორების ნაწარმოებების შესრულებით მსოფლიო ასპარეზზე კიდევ ერთი მნიშვნელოვანი წარმატებისა და საერთაშორისო აღიარების მოპოვება შევძელით.

ამ წარმატების უკან დგას გუნდის წევრების დიდი შრომა, მონდომება და პროფესიონალიზმი, ასევე გუნდის დირიჟორის, ნინო წიკლაურის, მაღალი პროფესიული ოსტატობა და დაუღალავი საქმიანობა, რომლის ხელმძღვანელობითაც გორის გოგონათა გუნდი არაერთ მნიშვნელოვან წარმატებას აღწევს.

გულითადად ვულოცავთ გორის გოგონათა გუნდის თითოეულ წევრს, გუნდის დირიჟორს ნინო წიკლაურს და ყველას, ვისაც წვლილი მიუძღვის ამ გამარჯვებაში. ვუსურვებთ მათ მომავალშიც მრავალ საერთაშორისო წარმატებას და შემოქმედებით წინსვლას.

 მადლობას ვუხდით ყველას, ვინც მხარს გვიჭერს და იზიარებს ჩვენს წარმატებას. თქვენი მხარდაჭერა ჩვენთვის განსაკუთრებულად მნიშვნელოვანია!

ღონისძიებამ განსაკუთრებულად თბილ და შემოქმედებით გარემოში ჩაიარა. პროფესიულმა სტუდენტებმა და სემინარიის მოსწავლეებმა მსმენელს მრავალფეროვანი მუსიკალური პროგრამა წარუდგინეს და სხვადასხვა ეპოქისა და ჟანრის ნაწარმოებები შეასრულეს, რითაც კიდევ ერთხელ წარმოაჩინეს საკუთარი პროფესიული ზრდა, შრომა და მუსიკალური შესაძლებლობები.

კონცერტის განსაკუთრებული ნაწილი იყო ჩვენი საამაყო გორის გოგონათა გუნდის გამოსვლა. გუნდის შესრულებით გაჟღერდა სრულიად საქართველოს კათოლიკოს-პატრიარქის, ილია II-ის საგალობელი „მოდი ჩემთან“, „ალილუია“, ასევე ჯემალ ბეგლარიშვილი-ის „იუმორესკო“, რომლებმაც მსმენელის განსაკუთრებული მოწონება და ხანგრძლივი აპლოდისმენტები დაიმსახურა.

კონცერტმა კიდევ ერთხელ წარმოაჩინა, რომ მუსიკა აერთიანებს თაობებს, ავითარებს ახალგაზრდების შემოქმედებით პოტენციალს და ქმნის განსაკუთრებულ ემოციურ ატმოსფეროს.

მადლობას ვუხდით ღონისძიების ყველა მონაწილეს, პედაგოგებსა და მშობლებს მხარდაჭერის, ნდობისა და თანადგომისთვის. ვუსურვებთ ჩვენს პროფესიულ სტუდენტებს, სემინარიის მოსწავლეებსა და გორის გოგონათა გუნდს მომავალშიც მრავალ წარმატებულ გამოსვლასა და შემოქმედებით გამარჯვებას. 🎼👏

სულხან ცინცაძის სახელობის სამუსიკო კოლეჯში გაიმართა კოლეჯთან არსებული სემინარიის უმცროსკლასელთა ღია კონცერტი.

კონცერტზე პატარა მოსწავლეებმა შეასრულეს სხვადასხვა მუსიკალური ნაწარმოები და ეტიუდი, წარმოაჩინეს საკუთარი ნიჭი, შრომა და მუსიკალური შესაძლებლობები. ღონისძიებაში მონაწილეობა მიიღო გორის სემინარიის ბავშვთა გუნდმაც, რომელმაც მსმენელს მრავალხმიანი სიმღერები შესთავაზა.

კონცერტმა წარმატებით ჩაიარა და განსაკუთრებული მნიშვნელობა შეიძინა ახალგაზრდა შემსრულებლებისთვის, რადგან ბევრი მათგანისთვის ეს სცენაზე გამოსვლის პირველი გამოცდილება იყო. ღონისძიებამ კიდევ ერთხელ წარმოაჩინა მოსწავლეთა შემოქმედებითი პოტენციალი და მუსიკალური განვითარების შედეგები.

კონცერტის დასასრულს საზეიმო ვითარებაში სემინარიის სხვადასხვა მონაწილეს გადაეცა რეგიონულ კონკურსებსა და ფესტივალებზე მოპოვებული სიგელები და დიპლომები, რაც მათი წარმატებისა და შრომის მნიშვნელოვანი აღიარებაა.

ვულოცავთ ახალგაზრდა მუსიკოსებს მიღწეულ წარმატებებს და ვუსურვებთ მომავალშიც მრავალ შემოქმედებით გამარჯვებას. 

მადლობას ვუხდით მშობლებს ჩვენდამი გამოცხადებული ნდობისთვის, ხოლო ჩვენს პედაგოგებს — სიყვარულით, პასუხისმგებლობითა და დაუღალავი შრომით გაწეული საქმიანობისთვის. სწორედ მათი ერთობლივი ძალისხმევა ქმნის გარემოს, სადაც ბავშვები წარმატებით დგამენ პირველ ნაბიჯებს მუსიკის სამყაროში. 

2026 წლის 26 ივნისს, 15:00 საათზე, სულხან ცინცაძის სახელობის სამუსიკო კოლეჯის საკონცერტო დარბაზში გაიმართება კოლეჯის პროფესიული სტუდენტებისა და კოლეჯთან არსებული სემინარიის მოსწავლეთა ღია კონცერტი.

კონცერტის ფარგლებში პროფესიული სტუდენტები და სემინარიის მოსწავლეები მსმენელის წინაშე წარდგებიან მრავალფეროვანი მუსიკალური ნომრებით და წარმოაჩენენ სასწავლო წლის განმავლობაში მიღწეულ შედეგებსა და შემოქმედებით შესაძლებლობებს.

 ქ.გორი სამეფო ქუჩა N17

 26 ივნისი, 2026 წელი | 15:00 საათი

 დასწრება თავისუფალია.