27.04-04.05. 2018 მუსიკოს-შემსრულებელთა VIII საერთაშორისო კონკურს-ფესტივალი „ჰარმონია“

2018 წლის 27 აპრილიდან 4 მაისის ჩათვლით თურქეთის რესპულიკის ქალაქ სიდეში

გაიმართა მუსიკოს-შემსრულებელთა VIII საერთაშორისო კონკურს-ფესტივალი „ჰარმონია“ ,

სადაც კოლეჯის კონცერტმაისტერი და პედაგოგი თამაზ აბრამიძე მიწვეული იყო კონცერტმაისტერად.

კონკურს-ფესტივალში კი მონაწილეობდა მისი მოსწავლე ნოდარ კვიწინაძე (კოლეჯთან არსებული სამუსიკო სემინარიის VII კლასი - ფორტეპიანო), რომელმაც მოიპოვა მესამე ადგილი და ლაურეატის წოდება.


ვულოცავთ ბატონ თამაზსს და მის მოსწავლეს, ნოდარ კვიწინაძეს ამ გამარჯვებას. ვუსურვებთ წინსვლას და წარმატებებს.

30.04.2018 ოთარ თაქთაქიშვილის სახელობის პირველი ღია კონკურსი

გორის ს.ცინცაძის სახელობის სამუსიკო კოლეჯის გოგონათა გუნდი ნინო წიკლაურის ხელმძღვანელობით

ოთარ თაქთაქიშვილის სახელობის პირველი ღია კონკურსის გრან-პრის მფლობელი გახდა.

მასვე გადაეცა დიდი კომპოზიტორის ოჯახის მიერ დაწესებული პრიზი მისი ნაწარმოების საუკეთესო შესრულებისათვის.



27.04.2018 საქართველოს ბავშვთა და ახალგაზრდული საგუნდო კოლექტივების IV ეროვნული კონკურსის პირველი შესარჩევი ტური

2018 წლის 27 აპრილს სამუსიკო კოლეჯის საკონცერტო დარბაზში გაიმართა

საქართველოს ბავშვთა და ახალგაზრდული საგუნდო კოლექტივების

IV ეროვნული კონკურსის პირველი შესარჩევი ტური, სადაც მონაწილეობა მიიღო კოლეჯთან არსებულმა

სამუსიკო სემინარიის უმცროსკლასელთა გუნდმა - ხელმძღვანელი ნინო წიკლაური.

17.02.2018 ქ. თბილისის ზ. ფალიაშვილი სახელობის ცენტრალური სამუსიკო სკოლის “ნიჭიერთა ათწლედის” მოსწავლეთა კონცერტი

2018 წლის 17 თებერვალს გორის ს. ცინცაძის სახელობის სამუსიკო საზოგადოებრივი კოლეჯის

საკონცერტო დარბაზში გაიმართა ქ. თბილისის ზ. ფალიაშვილი სახელობის ცენტრალური სამუსიკო სკოლის

“ნიჭიერთა ათწლედის” მოსწავლეთა

კონცერტი.

 

             კონცერტში მონაწილეობდნენ: ანა ბერიაშვილი, ირაკლი ფხაკაძე, გიორგი გურგენაძე,

                                                           ანა ჭანია, ანასტასია აღლაძე, გიორგი გრძელიძე,

                                                           მარიამ მინდორაშვილი, ლუკა თოთაძე, ქეთევან გიორგაძე,

                                                           ვლადიმერ ზურაბიშვილი, თამარ ბახტაძე.

31.01.2018 კოლეჯის სტუდენტთა და კოლეჯთან არსებული სამუსიკო სემინარიის მოსწავლეთა აკადემიური კონცერტი

2018 წლის 31 იანვარს სამუსიკო კოლეჯის საკონცერტო დარბაზში გაიმართა

კოლეჯის სტუდენტთა და კოლეჯთან არსებული სამუსიკო სემინარიის მოსწავლეთა

აკადემიური კონცერტი.

29.01.2018 სემინარი კოლეჯის სტუდენტთათვის თემებზე: გენდერული თანასწორობა - ქალთა მიმართ ძალადობა, სოციალური მედია და მედიის როლი ქსენოფობიის გავრცელებაში, კიბერბულინგი - CTRL + ALT + DELETE

   

2018 წლის 29 იანვარს სამუსიკო კოლეჯის პროფორიენტაციისა და ხარისხის მართვის სამსახურის ინიციატივით არასამთავრობო ახალგაზრდული ორგანიზაციის ასოციაცია “Bridge to the Future”(”ხიდი მომავლისაკენ”)-ს წარმომადგენლის მიერ კოლეჯის სტუდენტთათვის გაიმართა სემინარი თემებზე:

გენდერული თანასწორობა - ქალთა მიმართ ძალადობა, სოციალური მედია და მედიის როლი ქსენოფობიის გავრცელებაში, კიბერბულინგი - CTRL + ALT + DELETE.

   სემინარი მიმდინარეობდა დიალოგის სახით, რაც დაეხმარა სტუდენტებს წარმოდგენილი თემების სწორად გაანალიზებაში, მოეწყო ვიდეო რგოლების ჩვენებაც, ხოლო სემინარის დასასრულს  სტუდენტებს მიეცათ საშუალება დაესვათ კითხვები და დაეფიქსირებინათ საკუთარი პოზიცია სემინარის დროს წამოჭრილი საკითხების გარშემო.

27.12.2017 ევგენი მიქელაძის სახელობის ეროვნული სიმფონიური ორკესტრის საქველმოქმედო კონცერტი

2017 წლის 27 დეკემბერსზ. ფალიაშვილის სახელობის თბილისის ოპერისა და ბალეტის სახელმწიფო თეატრში

გაიმართა ევგენი მიქელაძის სახელობის საქართველოს ეროვნული სიმფონიური ორკესტრის საქველმოქმედო კონცერტი, რომელიც ბავშვთა ჰოსპისის "ციცინათელების ქვეყანა" მხარდასაჭერად გაიმართა.
კონცერტის I განყოფილებაში შესრულდა ჯოვანი ბატისტა პერგოლეზის "Stabat Mater", სადაც საგუნდო პარტიას სამუსიკო კოლეჯთან არსებული სამუსიკო სემინარიის ბავშვთა გუნდი ნინო წიკლაურის ხელმძღვანელობით ასრულებდა.


II განყოფილებში გაიმართა ნიკოლოზ რაჭველის ახალი ციკლი "The Rest is Silence", რომელიც ჰოლოკოსტის მსხვერპლთა ხსოვნისადმია მიძღვნილი. სოლისტის პარტიას ასრულებდა ანიტა რაჭველიშვილი. ასევე მონაწილეობდა საფესტივალო გუნდი გიორგი მარგველაშვილის ხელმძღვანელობით.

02.12.2017 თბილისის კონსერვატორიის პროფესორ სვეტლანა კორსანტიას კლასის კონცერტი

2017 წლის 2 დეკემბერს გორის სამუსიკო საზოგადოებრივი კოლეჯის საკონცერტო დარბაზში გაიმართა

თბილისის ვ. სარაჯიშვილის სახელობის სახელმწიფო კონსერვატორიის პროფესორ

სვეტლანა კორსანტიას კლასის კონცერტი.


კონცერტში მონაწილეობდნენ:


IX კლასის მოსწავლე მაშო ყარყარაშვილი

XI კლასის მოსწავლე ნია ლომიძე

ბაკალავრიატის III კურსის სტუდენტები ქეთი ბარბაქაძე და თინა მახარაძე

მაგისტრატურის I კურსის სტუდენტი გვანცა ფუტკარაძე

მაგისტრატურის II კურსის სტუდენტი ანა ფალავანდიშვილი

Email-Internet-PNG

საკონტაქტო ინფორმაცია

ორგანიზაციის დასახელება: სსიპ – ქ. გორის ს. ცინცაძის სახელობის სამუსიკო საზოგადოებრივი კოლეჯი
მისამართი: 1400 ქ. გორი, სამეფო ქ. #17
ელ-ფოსტა: gori.college@yahoo.com; info@gorimuscollege.edu.ge
ტელეფონი: 0 (370) 27 35 11; 0 (370) 22 75 44
ფაქსი: 0 (370) 27 32 10

Шаблоны сайта